Sot nga ora 17:00 takohen Penza dhe Bashkimi, ndeshje kjo e vlefshme në kuadër të xhiros së 16-të.
Bashkimi udhëton për fitoren e 19-të me radhë në këtë edicion në Superligën e Femrave, ndërsa vajzat nga Peja vijnë nga dy humbje që pësuan nga Prishtina, njërën në Ligën Unike, tjetrën në Superligën e Femrave.
Penza ka 11 fitore e shtatë humbje në elitë, kurse Bashkimi 18 fitore nga 18 ndeshje.
Vashat pejane synojnë të përfundojnë sa më mirë garat e rregullta, kurse prizrenaset kanë ambicie të mëdha, duke synuar vendin e parë pa humbje në elitë, ndërsa më parë fituan Kupën e Kosovës. Kjo sfidë është një përgatitje për vashat nga Prizreni, që më 15-16 mars do të luajnë në Final 4 të Ligës Unike, ku synojnë titullin e kampionit, ndërsa në gjysmëfinale do të përballen me Partizanin.
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
