Konferencë për Media

Të mërkurën (23 nëntor) nga ora 13:00 do të organizohet konferenca për media në zyrat e Federatës së Basketbollit të Kosovës.

Në këtë konferencë do të nënshkruhet zyrtarisht marrëveshja për organizimin e Superkupës së Kosovës nga klubi i Sigal Prishtinës.

Marrëveshjen do ta nënshkruajnë Kryetari i Federatës së Basketbollit të Kosovës (FBK), Arben Fetahu dhe Blerand Stavileci, u.d. i Kryetarit të Klubit të Sigal Prishtinës.

Në këtë konferencë do të shpalosen detaje lidhur me organizimin e Superkupës, që do të mbahet nga 7 deri më 11 dhjetor 2022 në kryeqytet.

‍