Xhiroja e shtatë e Prince Caffe Superligës përfundoi në fundjavë.

Peja mbetet skuadra e vetme me 100 % fitore, ndërsa Rahoveci i fundit me një fitore e gjashtë humbje.

Skuadra me sulmin më të mirë në Superligë është Ponte Prizreni që pas shtatë ndeshjeve ka shënuar 605 pikë apo 86.42 për ndeshje. Në vendin e dytë është Sigal Prishtina me 586 pikë të shënuara, ndërsa Rahoveci është i treti me 584. Më pak pikë të shënuara është Golden Eagle Ylli me 512.

Mbrojtjen më të mirë e ka Peja që ka pranuar 496 pikë ose 70.8 për ndeshje, kurse pas saj është Trepça me 514 pikë të pranuara. Më së shumti pikë ka pranuar Ponte Prizreni, gjithsej 626 për shtatë ndeshje, kurse Rahoveci ka pranuar 622, duke u renditur me mbrojtjen më të dobët në elitë.

Ponte Prizreni ka më shumë kërcime në Prince Caffe Superligë, 307 apo 43.86 për ndeshje, ndërsa Rahhoveci ka 43.83 për ndeshje. Në vendin e fundit është Sigal Prishtina me 37 kërcime për ndeshje.

Rahoveci ka 19.5 asistime për ndeshje, duke u pasuar nga Sigal Prishtina me 17.43 dhe Trepça me 16.71. Më së paku asistime ka Vëllaznimi, 13.86.

Sigal Prishtina me vjedhje të topi për ndeshje, me 8.29 për ndeshje, kurse i fundit është Vëllaznimi me 5.43.

Kuqezinjtë prijnë me bllokada për ndeshje, 4.14, kurse Peja dhe Sigal Prishtina kanë nga dy bllokada.