Peja ka shënuar fitore ndaj Sigal Prishtinës në udhëtim me rezultat 70:76 (19:17, 11:23, 22:9, 18:27), në xhiron e parë të Prince Caffe Superligës.

Fillimi i ndeshjes ishte i barabartë, ku gjatë çerekut të parë rezultati ishte i ngushtë, pasi asnjëra nga skuadrat nuk arrinte shkëputjen dhe kjo pjesë përfundoi 19:17. Megjithatë, periudha e dytë ‘foli’ në të mirë të mysafirëve, që dalëngadalë shkëputen, për të krijuar epërsi deri në 13 pikë, 23:36, kurse pjesa e parë përfundon 30:40.

Në periodën e tretë, prishtinasit rikthehen furishëm, duke aplikuar mbrojtje të suksesshme dhe sulme efikase, duke arritur të shkrijnë epërsinë e mysafirëve, madje edhe të kalojnë në epërsi, ndërsa rezultati në semafor pas 30 minutash ishte 52:49, në një atmosferë ‘elektrizuese’ në kryeqytet. Vendasit vazhduan me lojë të mirë në çerekun e fundit, duke ngritur epërsinë në tetë pikë, 61:53, por verdhezinjtë nuk u dorëzuan dhe dy minuta nga fundi barazuan rezultatin në 67:67, e më pas kaluan në epërsi 67:70, për të bërë sfidën shumë dramatike. Kështu edhe ndodhi ku fituesi u përcaktua në sekondat e fundit, duke përfunduar me rezultat 70:76.

Te Prishtina u dallua Dardan Berisha me 25 pikë, tetë kërcime e gjashtë kërcime, kurse te Peja, më i dalluari ishte Jalen Tate me 14 pikë dhe Rodney Purvis me 17.