Në Rumani po mbahet turneu i YDF-së për grupmoshat U14 në të dyja konkurrencat. Femrat kanë shënuar fitore ndaj Maqedonisë Veriore, ndërsa meshkujt pësuan.
Vashat e Kosovës kanë triumfuar bindshëm, me rezultat 22:63, që ishte fitorja e parë, pas humbjes nga Rumania dhe Bullgaria. Dardanet kanë qenë më të mira nga fillimi deri në fund për të shënuar fitore të merituar. Te Kosova u dalluan Malvina Haziri me 14 pikë e gjashtë kërcime, Tia Tuhina me 11 pikë e gjashtë kërcime, Klesta Shatri me 12 pikë dhe Yllka Morina me dhjetë pikë.
Ndërkohë, meshkujt pësuan me rezultat 77:68. Kjo ishte humbja e dytë, pas asaj nga Rumania, ndërsa kanë një fitore ndaj Bullgarisë. Te Kosova u dalluan Edin Bacevac me 11 pikë e dhjetë kërcime dhe Ervin Mullaliu me 18 pikë e tetë kërcime.
Të martën, Kosova do të ketë ndeshjet e fundit, ku do të përballet me Turqinë.
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
