Vitabiotics, partner i FBK-së për Junior NBA Kosova

Liga Junior NBA Kosova filloi në fundjavën që lamë pas, një projekt madhor dhe shumë i rëndësishëm nga Federata e Basketbollit e Kosovës (FBK).

Në këtë ligë, garojnë 30 Shkolla Fillore, që janë ndarë në dy Konferenca apo gjashtë Divizione, varësisht nga rajoni.

Por, ky projekt nuk do të ishte i mundur pa ndihmën e sponsorëve. Një partner i rëndësishëm dhe që po e mbështet fuqishëm këtë ligë është kompania Vitabiotics.

Kjo kompani është partner i FBK-së, duke e përkrahur basketbollin e Kosovës, ndërsa tani po e mbështet tek gjeneratat e reja, që janë e ardhmja e Kosovës.

Në këtë ligë garojnë fëmijët e gjeneratës 2009-2011, djem dhe vajza. Më pas tetë më të mirat e Konferencës kualifikohen në “Play-off” dhe më pas zhvillohet “Final 4”, ku do të shpallet edhe skuadra kampione e edicionit të parë.

Ndihma nga partnerët e FBK-së është shumë e rëndësishme dhe vitale për zhvillimin e basketbollit të Kosovës.

FBK gjithnjë do të jetë mirënjohëse ndaj kontributdhënësve, që po mbështesin basketbollin.  

‍