Ndeshja e dytë gjysmëfinale e Final 8 Kupës së Kosovës Agim Lluka zhvillohet ndërmjet Golden Eagle Yllit dhe Bashkimit.
Të dy skuadra shpresojnë të fitojnë dhe të kualifikohen në finale.
Therandasit në çerekfinale e kishin lehtë ndaj Dritës, duke e mundur 116:57, kurse Bashkimi mundi rivalin lokal Prizrenin 16 me shifrat 69:94, për tu kualifikuar në gjysmëfinale.
Skuadra therandase shpreson kualifikimin në finale dhe të fitojë trofeun e parë të Kupës në histori të klubit, ndërsa prizrenasit si skuadra më e vjetër në vendin tonë beson se mund të depërtojë në finale, ku më pas do të luftojë për trofeun e çmuar.
Në elitë, Ylli është lider me 15 fitore dhe katër humbje, ndërsa Bashkimi është në vendin e gjashtë me tetë fitore e 11 humbje.
Në këtë edicion janë përballur tri herë, ku një herë fitoi Bashkimi me rezultat 55:60 dhe dy herë fitoi Ylli me shifrat 71:76 dhe 78:61.
Ndeshja zhvillohet nga ora 20:00 dhe transmetohet në Kujtesa dhe Art Motion.
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
