Basketbollisti i Kosovës dhe Golden Eagle Yllit, Gëzim Morina është shpallur Sportisti i Vitit 2021 në Komunën e Therandës.
Ai në vitin 2021 fitoi Ligën Unike, në edicionin e parë të kësaj gare, Superligën e Kosovës dhe Superkupën Mbarëkombëtare.
Morina gjithashtu është pjesë e rëndësishme e Përfaqësueses A, ku së fundi shënuan fitore ndaj Danimarkës.
“Jam tejet i lumtur dhe krenar për fitimin e këtij çmimi. Dua ti falënderoj bashkëlojtarët, stafin e trajnerëve, bordin dhe sponsorët e klubit, tifozerinë Xhebrailat, qytetarët e Suharekës dhe familjen për përkrahjen dhe ndihmesën e tyre gjatë këtij rrugëtimi.
Viti 2021 ishte tejet i suksesshëm për komunën tonë. Të gjithë sportistët dhe sportistet i përgëzoj për angazhimin e tyre dhe iu uroj shumë shëndet dhe suksese edhe më të mëdha, në vitin që po vjen”, është shprehur Morina.
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
