Pas hedhjes së shortit për Kampionatin Evropian për Shtete të Vogla në konkurrencën e femrave, ku do të debutojë Kosova A, është publikuar edhe orari.
Kampionati do të mbahet nga 20 deri më 25 Korrik në Qipro. Kosova është në grup me Qipron, Luksemburgun dhe Gjibraltarin.
Për vashat e Kosovës A kjo është hera e parë që do të luajnë në gara ndërkombëtare.
Vashat dardane sfidën e parë do ta kenë ndaj Qipros më 20 korrik. Më 21 korrik do të luajnë ndaj Gjibraltarit, kurse më 22 korrik ndaj Luksemburgut.
Ndërkohë, në Grupin A janë: Irlanda, Malta, Norvegjia dhe Andorra.
Dy kombëtaret e para do të kualifikohen në gjysmëfinale, kurse dy të fundit do të luajnë për pozitat 5-8.
Më 24 dhe 25 korrik do të zhvillohen ndeshjet gjysmëfinale, për vendin e tretë, finalja dhe për pozitat 5-8.
Kujtojmë se kjo është hera e parë që Kosova A në konkurrencën e femrave do të luajë në gara ndërkombëtare.
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
