Trepça dhe Marigona Hill Prishtina në finalen e U18

Trepça dhe Marigona Hill Prishtina janë kualifikuar në finalen e madhe të Superligës U18.

Skuadra mitrovicase ishte më e mirë se Vushtrria Basket, duke e mundur në gjysmëfinale 84:67, për tu kualifikuar në finale.

Marigona Hill Prishtina shënoi fitore bindëse ndaj Pejës me shifrat 105:74, duke siguruar finalen.

Final 4 i Superligës U18 në konkurrencën e meshkujve po zhvillohet në Mitrovicë.

Të dielën nga ora 12:00 në finale do të përballen Trepça me Marigona Hill Prishtinën, takim që do të transmetohet në ArtMotion, kurse nga ora 10:00 do të zhvillohet ndeshja për vendin e tretë mes Vushtrria Basket dhe Pejës.

‍