Federata e Basketbollit e Kosovës me sukses ka organizuar Festivalin e Minibasketbollit.

Kjo është hera e parë që mbahet një organizim i tillë. Në këtë Festival të Minibasketbollit kanë marrë pjesë 18 ekipe, në konkurrencën e meshkujve dhe atë të femrave.

Rreth 250 fëmijë ishin pjesëmarrës, duke u argëtuar për më shumë se tre orë. Garat janë zhvilluar në “Don Bosko”.

Hapjen zyrtare e bëri Drejtori Teknik në FBK, Arben Krasniqi, njëherësh edhe organizator i Festivalit të Minibasketbollit. Ai u uroi sukses skuadrave dhe shtoi se qëllimi është që të argëtohen mes vete.

Qëllimi i organizimit ishte pjesëmarrja e sa më shumë fëmijëve dhe të argëtohen mes vete, ndërsa nuk kishte karakter garues.

Fëmijët ishin shumë të lumtur me organizimin dhe lojërat e zhvilluara mes tyre, derisa në fund të gjitha skuadrat në fund kanë marrë nga një Kupë.

Federata e Basketbollit e Kosovës shpreson në masivizimin e basketbollit në të dyja konkurrencat, derisa ky organizim ishte një shenjë pozitive se fëmijët e duan basketbollin dhe një ditë duan të bëhen profesionist.

Ky është edhe një organizim nga FBK me gjeneratat e reja, duke i kushtuar shumë rëndësi grupmoshave të reja.