Të premten fotografimi në Prizren dhe Gjakovë

Federata e Basketbollit e Kosovës ka nënshkruar marrëveshje me Synergy, që do të fillojë me transmetime nga fillimi i edicionit të ardhshëm.

Andaj është e obliguar që të fotografohen të gjithë lojtarët dhe lojtaret, seniorët dhe grupmoshat e reja. Kjo vlen për licencimin e tyre për edicionin e ardhshëm. Kush nuk licencohet, nuk ka të drejtë të luajë në edicionin e ri.

Federata e Basketbollit e Kosovës do të dërgojë dy persona në qytetet e Kosovës, kurse lojtarët/et e kanë të obliguar të veshin fanella të bardha.

Fotografimi do të bëhet në qendrat e mëdha të Kosovës dhe është i obliguar për secilin lojtar/e.

Të premten fotografimi do të bëhet në Prizren dhe Gjakovë, në palestrat e këtyre dy qyteteve.

Fotografimi do të vazhdojë edhe në qytetet tjera gjatë ditëve në vazhdim.

Orari

E premte

Prizren 14:00-16:30

Gjakovë 17:30-18:30

Personat kontaktues nga FBK-ja:

Dren Hasangjekaj, Zyrtar i Marketingut 044 224488

Bahri Rexha, Zyrtar për Media 044 739 340

‍