Faleminderit Kujtesa!

Edicioni 2020-2021 do të mbahet mend si i tëri i zhvilluar pa tifozë për shkak të masave anti-Covid 19.  

Megjithatë, ndeshjet interesante dhe me shumë emocione, më afër jush ua solli platforma Kujtesa, partneri medial i Federatës së Basketbollit të Kosovës (FBK). 

Transmetimet direkte, Highlights e Intervistat pas ndeshjes e kanë bërë FIVE STAR Superligën e Kosovës në basketboll më interesante, por gjithashtu edhe EBC Ligën e Femrave dhe Ligën e Parë në basketboll te meshkujt. 

Ky ishte viti i parë i bashkëpunimit dhe shpresojmë se bashkëpunimi do të thellohet edhe më shumë në të ardhmen. 

Në këtë kohë të pandemisë me Covid 19, përkrahja nga partnerët është shumë e rëndësishme, siç ishte përkrahja nga Kujtesa, duke ndihmuar basketbollin e Kosovës dhe FBK gjithnjë do t’i jetë falënderuese. 

Ky edicion po shkon drejt fundit, kurse ai i ardhshmi pritet të jetë edhe më interesant, e me shumë befasi, andaj qëndroni afër me Kujtesën.  

‍