Bashkimi pëson humbje të ngushtë në Estoni

Bashkimi ka pësuar humbje të ngushtë në udhëtim ndaj skuadrës estoneze Bigbank/Kalev, me rezultat 88:84, në kuadër të fazës së grupeve të FIBA Europe Cup.

Skuadra prizrenase zhvilloi një ndeshje konkurruese në Estoni, duke luftuar deri në fund për një rezultat pozitiv, por në çastet vendimtare vendasit arritën të sigurojnë fitoren.

Përballja ishte e luftuar, me Bashkimin që tregoi angazhim dhe vendosmëri përballë kundërshtarit, megjithatë katër pikët e epërsisë në përfundim të takimit i takuan skuadrës estoneze.

Bashkimi ka një fitore e një humbje në grupet e FIBA Europe Cup.

‍