Mika Adams MVP i javës së pestë

Mika Adams i Rahovecit 029 është shpallur lojtari më i vlefshëm (MVP) i javës së pestë të ProCredit Superligës, pas një paraqitjeje të shkëlqyeshme, ndërsa janë përzgjedhur edhe pesë basketbollistët më të mirë të kësaj jave.

Adams ishte ndër më meritorët në fitoren e Rahovecit 029 ndaj Pejës me rezultat 106:95, duke regjistruar 31 pikë, gjashtë kërcime dhe dhjetë asistime, me indeks të përgjithshëm prej 35.

Me këtë paraqitje, basketbollisti i Rahovecit 029 fitoi epitetin e MVP-së së javës së pestë të elitës së basketbollit të Kosovës.

Përveç Adamsit, në pesëshen më të mirë të javës janë përzgjedhur edhe Kentrell Pullian i Vëllaznimit, Davontrey Thomas i Golden Eagle Yllit, Vincent Golson i Sigal Prishtinës dhe Kenny Hasbrouck i Trepçës.

Top 5 lojtarët e javës së pestë

Mika Adams (Rahoveci 029): 31 pikë, 6 kërcime, 10 asistime – Indeksi 35.

Kentrell Pullian (Vëllaznimi): 28 pikë, 7 kërcime, 7 asistime.

Davontrey Thomas (Golden Eagle Ylli): 26 pikë, 6 kërcime, 3 asistime – Indeksi 33.

Vincent Golson (Sigal Prishtina): 30 pikë, 1 kërcim, 6 asistime – Indeksi 29.

Kenny Hasbrouck (Trepça): 15 pikë, 2 kërcime, 2 asistime – Indeksi 17.

‍