FBK organizon tryezën e diskutimit për krijimin e identitetit të lojës së Përfaqësueseve të Kosovës

Federata e Basketbollit e Kosovës (FBK) më 4 tetor 2026 do të organizojë tryezën e diskutimit me temën “Krijimi i identitetit të lojës së Përfaqësueseve të Kosovës”.

Tryeza do të mbahet në Hotel Prishtina, nga ora 09:30 me pjesëmarrjen e trajnerëve të basketbollit nga Kosova.

Qëllimi i këtij aktiviteti është zhvillimi i një diskutimi të hapur dhe profesional rreth krijimit dhe përcaktimit të identitetit të lojës së Përfaqësueseve të Kosovës, duke përfshirë trajnerët në shkëmbimin e ideve dhe përvojave për këtë çështje të rëndësishme për zhvillimin e basketbollit vendor.

Tryeza do të hapet me fjalën hyrëse të Sekretares së Përgjithshme të FBK-së, Elvira Dushku, ndërsa Granit Rugova, Drejtor i Projekteve dhe Programeve Zhvillimore, do të bëjë prezantimin informues mbi qëllimin dhe objektivat e tryezës.

Pjesa qendrore e aktivitetit do t'i kushtohet diskutimit të hapur me trajnerët pjesëmarrës rreth temës “Krijimi i identitetit të lojës së Përfaqësueseve të Kosovës”.

Trajnerët do të kenë mundësinë të japin pikëpamjet dhe propozimet e tyre, me synim që përmes dialogut profesional të kontribuohet në ndërtimin e një qasjeje dhe identiteti të qartë të lojës së Përfaqësueseve të Kosovës.

Organizimi i kësaj tryeze është pjesë e angazhimit të FBK-së për të përfshirë komunitetin e trajnerëve në proceset që lidhen me zhvillimin e basketbollit dhe të Përfaqësueseve të Kosovës.

‍