Peja nikoqire e Superkupës së Kosovës për Femra 2026

Bordi i Federatës së Basketbollit të Kosovës (FBK), në mbledhjen e mbajtur më 29 shtator 2026, ka miratuar kërkesën e KBF Peja 03 për organizimin e Superkupës së Kosovës për Femra 2026.

Finalja e Superkupës do të zhvillohet më 6 tetor 2026, ndërmjet KBF Bashkimi dhe KBF Peja 03, në Palestrën Sportive “Karagaçi” në Pejë.

KBF Peja 03 ishte aplikuese për organizimin e kësaj ngjarjeje dhe, pas shqyrtimit të aplikimit, Bordi i FBK-së ka vendosur që klubit pejan t’i besohet organizimi i finales.

Në bazë të vendimit, KBF Peja 03 obligohet t’i përmbushë të gjitha kërkesat organizative, teknike dhe të sigurisë, si dhe obligimet financiare të përcaktuara nga FBK-ja në Konkursin/Thirrjen për organizimin e Superkupës së Kosovës për Femra 2026.

Këto obligime do të specifikohen edhe në kontratën ndërmjet Federatës së Basketbollit të Kosovës dhe KBF Peja 03.

‍