Gjyqtarët e Kosovës në seminarin në Strugë

Katër gjyqtarë nga Kosova kanë marrë pjesë në seminarin parasezonal për gjyqtarë, të organizuar në Strugë, para fillimit të edicionit të ri 2026/27.

Kosova në këtë seminar është përfaqësuar nga Elldin Uglari, Jeta Zeka, Drin Shabani dhe Ardi Sopa, të cilët kanë qenë pjesë e aktivitetit që synon përgatitjen dhe avancimin profesional të zyrtarëve para fillimit të garave të edicionit të ri.

Në mesin e ligjëruesve të seminarit ishin Manuel Mazzoni dhe Miodrag Licina nga FIBA Europe, si dhe Petar Denkovski, instruktor nacional i FIBA-s.

Seminari shërbeu si një mundësi e rëndësishme për shkëmbimin e përvojave, diskutimin e çështjeve që lidhen me gjykimin dhe organizimin e garave, si dhe përgatitjen e zyrtarëve për sfidat e sezonit 2026/27.

Pjesëmarrja e përfaqësuesve nga Kosova në aktivitete të tilla kontribuon në ngritjen profesionale dhe shkëmbimin e përvojave me kolegët dhe ekspertët ndërkombëtarë.

‍