Ndryshim në orarin e Kosovës 3x3 në Taranto 2026

Përfaqësueset e Kosovës në basketbollin 3x3, në konkurrencën e meshkujve dhe femrave, do të nisin të shtunën garën në Lojërat Mesdhetare Taranto 2026.

Pas ndryshimeve të fundit në programin e garës, Përfaqësuesja e meshkujve do ta zhvillojë ndeshjen e parë ndaj Portugalisë, të shtunën nga ora 17:00. Ndeshja Kosovë – Serbi, e paraparë të zhvillohej po të shtunën, nuk do të luhet pas tërheqjes së Serbisë nga gara. Si rrjedhojë, Grupi C tani përbëhet nga Kosova, Portugalia dhe Turqia, ndërsa dy skuadrat e para do të kualifikohen në çerekfinale.

Orari i Kosovës – Meshkujt

29 gusht | 17:00
Kosova – Portugalia

30 gusht | 10:55
Turqia – Kosova

Ndryshimet në program nuk ndikojnë në garën e Kosovës në konkurrencën e femrave. Përfaqësuesja e femrave do t’i zhvillojë të dyja ndeshjet e fazës së grupeve të shtunën, ndaj Greqisë dhe Italisë.

Orari i Kosovës – Femrat

29 gusht | 18:00
Greqia – Kosova

29 gusht | 19:50
Italia – Kosova

Ndeshjet e fazës finale të garës në basketbollin 3x3 do të zhvillohen më 31 gusht dhe 1 shtator. Kosova synon paraqitje sa më të mira në të dyja konkurrencat në Lojërat Mesdhetare Taranto 2026.