Nesër fillon Klinika Kombëtare për Trajnerë 2026

Nesër, më 14 gusht, fillon Klinika Kombëtare për Trajnerë 2026, e organizuar nga Federata e Basketbollit e Kosovës (FBK), në bashkëpunim me FIBA-n dhe Shoqatën e Trajnerëve të Basketbollit të Kosovës (SHTBK).

Klinika do të zhvillohet nga 14 deri më 16 gusht në Marigona Residence, përkatësisht në “Hotel Sheraton” dhe Palestrën “ISP”.

Ligjërues në Klinikën Kombëtare për Trajnerë 2026 do të jenë Marius Huth, Arben Krasniqi, Elbesar Gështenja dhe Granit Rugova, të cilët gjatë tri ditëve do të trajtojnë tema të ndryshme që lidhen me zhvillimin e trajnerëve dhe basketbollistëve.

Fokusi i Klinikës do të jetë te MiniBasketbolli dhe zhvillimi afatgjatë i basketbollistëve të rinj, ndërsa në program përfshihen parimet themelore të MiniBasketbollit, zhvillimi i aftësive përmes lojërave, planifikimi stërvitor, basketbolli i të rinjve, bashkëpunimi sulmues, “Motion” me Pick and Roll, si dhe skautimi modern në basketboll.

Gjatë Klinikës do të prezantohen edhe Manuali i Identifikimit të Talenteve dhe Zhvillimit Afatgjatë të Lojtarëve (LTAD) dhe Manuali i MiniBasketbollit, të përgatitur nga FBK.

Klinika do të përfundojë të dielën, më 16 gusht, me ndarjen e certifikatave për pjesëmarrësit.

Agjenda

E premte, 14 Gusht 2026

16:30 – 17:00

Pritja dhe regjistrimi i pjesëmarrësve

17:00 – 17:15

Hapja zyrtare e Klinikës dhe fjalë hyrëse nga zyrtarët e FBK-së

17:30 – 18:30

Parimet themelore të MiniBasketbollit

Ligjërues: Marius Huth

18:30 – 20:00

Zhvillimi i aftësive themelore përmes lojërave

Ligjërues: Marius Huth

📍 Lokacioni: Marigona Residence – "Palestra ISP"

E shtunë, 15 Gusht 2026

09:00 – 09:15

Prezantimi i Manualit të Identifikimit të Talenteve dhe Zhvillimit Afatgjatë të Lojtarëve (LTAD) dhe Manualit të MiniBasketbollit

Ligjërues: Granit Rugova

09:15 – 10:30

Parimet e hartimit të planit stërvitor dhe planifikimit vjetor

Ligjërues: Marius Huth

10:30 – 12:00

Parimet bazë të zhvillimit të basketbollit te të rinjtë

Ligjërues: Marius Huth

12:00 – 13:00

Drekë – Che Bar, Marigona Residence

13:00 – 14:30

Ngacmimet e vendimmarrjes, krijimi i mjediseve efektive të të nxënit

Ligjërues: Marius Huth

14:30 – 16:00

Parimet bazë të bashkëpunimit sulmues në basketbollin e të rinjve

Ligjërues: Marius Huth

📍 Lokacionet:

Hotel Sheraton – "Salla e Konferencave" (sesionet teorike)

Marigona Residence – "Palestra ISP" (sesionet praktike)

E diel, 16 Gusht 2026

09:00 – 12:00

Parimet e sulmit të vazhdueshëm ("Motion") me Pick and Roll – Teori dhe Praktikë

Ligjërues: Arben Krasniqi

12:00 – 13:00

Drekë – Che Bar, Marigona Residence

13:00 – 15:30

Skautimi Modern në Basketboll: Analiza e Sulmit, Mbrojtjes dhe Individual

Ligjërues: Elbesar Gështenja

15:30 – 16:00

Ndarja e certifikatave dhe mbyllja e Klinikës

📍 Lokacionet:

Hotel Sheraton – "Salla e Konferencave"

Marigona Residence – "Palestra ISP”

‍