Kosova kërkon mbështetjen e tifozëve në sfidën ndaj Shqipërisë

Përfaqësuesja e Kosovës do të zhvillojë sonte një tjetër sfidë të rëndësishme në kuadër të parakualifikimeve për FIBA EuroBasket 2029, ku do të përballet me Shqipërinë.

Ndeshja do të luhet më 2 korrik, duke filluar nga ora 19:00, në Palestrën Sportive “Sezai Surroi” në Prizren.

Federata e Basketbollit e Kosovës fton të gjithë tifozët që të jenë pjesë e kësaj mbrëmjeje dhe të mbështesin Dardanët drejt një tjetër paraqitjeje të suksesshme.

Biletat mund të blihen online në platformën Kick-Tick, si dhe fizikisht në Fan Shop-in e KB Bashkimi në Prizren. Çmimi i biletës është 4 euro.

Le ta mbushim palestrën dhe t'i japim Kosovës mbështetjen që meriton në rrugëtimin drejt EuroBasket 2029.

‍