Kampionët olimpikë vizitojnë Kosovën A Femrat

Kampionia olimpike, botërore dhe evropiane në xhudo, Majlinda Kelmendi, si dhe Krymjeshtri dhe trajneri shumë i suksesshëm i Kosovës në xhudo, Driton Kuka, të enjten vizituan Përfaqësuesen e Kosovës A Femrat.

Të shoqëruar nga Linda Shala, Anëtare e Bordit e FBK-së, dhe Elvira Dushku, Sekretare e Përgjithshme e FBK-së, ata ndanë përvojat e tyre frymëzuese me basketbollistet tona, duke folur për përkushtimin, sakrificën dhe luftën për fanellën e Kosovës në arenën ndërkombëtare.

Majlinda Kelmendi dhe Driton Kuka u uruan vajzave shumë suksese në FIBA Women's European Championship for Small Countries 2026, duke i motivuar që të japin maksimumin për ngjyrat dardanë.

Linda Shala dhe Elvira Dushku i prezantuan me krenari mysafirët specialë, duke vlerësuar arritjet e tyre historike që e kanë ngritur lart emrin e Kosovës në botë.

Evropiani do të zhvillohet nga 23 deri më 28 qershor në Pejë dhe Kosova shpreson në mbështetjen e fuqishme të tifozëve për të arritur rezultate sa më të mira në këtë ngjarje të rëndësishme evropiane.

23-28 qershor 2026

Palestra sportive “Karagaç”, Pejë

‍