Festivali i MiniBasketbollit grumbullon mbi 100 fëmijë

Për nder të 1 qershorit, Ditës Ndërkombëtare të Fëmijëve, Federata e Basketbollit e Kosovës (FBK) ka mbajtur Festivalin e MiniBasketbollit.

Në këtë event kanë marrë pjesë klube nga mbarë Kosova, duke grumbulluar mbi 100 fëmijë.

Në këtë Festival kanë marrë pjesë vajza dhe djem nga e gjithë Kosova, ku kanë luajtur ndeshje, si dhe janë argëtuar së bashku.

Për rreth 3 orë, fëmijët kanë pasur mundësi të argëtohen e të luajnë, derisa shpresojnë se një ditë do të jenë pjesë e rëndësishme në basketbollin e Kosovës.

Minibasketbolli është në kuadër të Planit Strategjik të Federatës së Basketbollit të Kosovës (FBK), që synon masivizimin e basketbollit, sidomos te grupmoshat e reja, që FBK i ka dhënë rëndësi të madhe me projekte të ndryshme.

‍