Trepça një hap më afër titullit!

Trepça mposhti Bashkimin me rezultat 93:83 (23:20, 30:20, 17:22, 23:21) në finalen e dytë të Play-off-it, duke krijuar epërsi 2-0 në seri.

Në një duel me shumë ritëm dhe intensitet, Bashkimi u afrua në vetëm tri pikë diferencë, 1:13 minuta para përfundimit, por Trepça mbajti qetësinë në momentet vendimtare për ta siguruar kështu edhe fitoren e dytë në këtë seri.

Akili Vining udhëhoqi Trepçën me 26 pikë, prej tyre 6 treshe, ndërsa Kenneth Hasbrouck shtoi 18 pikë, përfshirë një treshe vendimtare në fund. Te Bashkimi më efikasi ishte Riley me 22 pikë.

Dy ndeshjet e ardhshme do të zhvillohen në Prizren, derisa kampion shpallet skuadra që shënon katër fitore.

‍