Finalja e parë i takon Trepçës

Trepça mposhti Bashkimin me rezultat 94:79 (22:18, 30:22, 19:22, 23:17) në një atmosferë spektakolare në “Minatori”, duke e nisur me fitore serinë finale dhe duke marrë epërsinë 1:0 në finalet e Playoff-it.

Sfida u zhvillua në një ambient të jashtëzakonshëm dhe ishte interesante nga fillimi deri në fund, por vendasit të përkrahur nga tifozët, krijuan epërsi në periudhën e dytë dhe e ruajtën deri në fund.

Te Trepça u dalluan Mustapha Amzil me 21 pikë e 13 kërcime, Kenneth Hasbrouck me 22 pikë dhe Dardan Kapiti me 16 pikë e 6 kërcime, ndërsa te Bashkimi më efikasi ishte Shannon Shorter me 27 pikë.

Sfida e ardhshme do të zhvillohet sërish në “Minatori” të mërkurën. Kampion shpallet skuadra që shënon katër fitore.

‍