Bora triumfon në fund, barazon serinë ndaj Bashkimit

Bora ka shënuar një fitore dramatike ndaj Bashkimit me rezultat 76-75, në një përballje tejet të luftuar deri në sekondat e fundit.

Heroi i ndeshjes ishte Jordan Dingle, i cili realizoi një gjuajtje të lirë vendimtare 8 sekonda para përfundimit, duke i dhënë epërsinë përfundimtare skuadrës nga Prishtina.

Me këtë fitore, seria gjysmëfinale barazohet në 1-1, duke e lënë garën për një vend në finale plotësisht të hapur.

Te Bora, më i dalluari ishte Tyler Cheese me 19 pikë, 4 kërcime dhe 4 asistime, ndërsa Amin Hot dhe Alex Hunter kontribuan me nga 18 pikë secili.

Në anën tjetër, te Bashkimi u veçua edhe një herë Shannon Shorter me 19 pikë.

Seria tashmë zhvendoset në Prizren, ku pritet një tjetër duel i zjarrtë mes dy skuadrave.

‍