Ndizet finalja: Peja 03 rikthehet fuqishëm, seria shkon në 3:2

Po vazhdon seria e jashtëzakonshme finale në “Play-off” të Superligës së Femrave.

Në sfidën e fundit, Peja 03 fitoi ndaj Bashkimit me rezultat 79:62 (25:13, 20:16, 19:16, 15:17), në ndeshjen e pestë finale.

Sfida në Pejë ka qenë me shumë emocione, ndërsa një numër i konsiderueshëm kanë përcjellur këtë finale të femrave.

Skuadra vendase ishte më e mirë nga fillimi, duke pasur epërsi të konsiderueshme dhe duke fituar në fund 79:62.

Te vendaset më e mira ishte Kiki Jefferson me 31 pikë e shtatë kërcime, duke u ndihmuar nga Paige Powell me 24 pikë e dhjetë kërcime, ndërsa te mysafiret u dalluan Waggoner Dontavia me 20 pikë e gjashtë kërcime dhe Alexis Marie Mead me 16 pikë e shtatë asistime.

Ndeshja e ardhshme zhvillohet në fundjavë në Prizren, ku seria finale tashmë është 3:2.

Kampion shpallet skuadra që shënon katër fitore.

‍