Bashkimi në epërsi

Bashkimi fitoi finalen e tretë të “Play-off”-it në Superligën e Femrave. Kampionet fituan ndaj Peja 03 me rezultat 91:67 (22:18, 25:14, 16:14, 28:21).

Sfida në Prizren u kontrollua kryesisht nga vendaset, që fituan çerekun e parë 22:18, derisa e thelluan më shumë epërsinë në periudhën e dytë, 25:14. Në pjesën e dytë kampionet vetëm sa shtuan epërsinë dhe fituan 91:67.

Te vendaset shkëlqeu Alexis Mead me 33 pikë, gjashtë kërcime e shtatë asistime, duke u ndihmuar nga Waggoner Dontavia me 21 pikë e pesë kërcime dhe Destiny Nicole me 17 pikë e tetë kërcime, ndërsa te mysafiret u dalluan Kiki Jefferson me 17 pikë e tetë kërcime, Paige Powell me 16 pikë e pesë kërcime dhe Enisa Kamerolli me 14 pikë e pesë kërcime.

Tashmë, Bashkimi është në epërsi 2:1 të finaleve, derisa edhe ndeshja e ardhshme zhvillohet në Prizren. Kampion shpallet skuadra që shënon katër fitore.

‍