Fillon edicioni i shtatë i Kursit të ASMC, ku po marrin pjesë Vlora Braha dhe Sumeja Osmani

Ka nisur edicioni i shtatë i kursit të avancuar për menaxhimin sportiv (ASMC 7), i organizuar nga Komiteti Olimpik i Kosovës (KOK) në bashkëpunim me Akademinë Olimpike.

Në këtë edicion nga Federata e Basketbollit të Kosovës (FBK) po marrin pjesë Vlora Braha, Zyrtare për Integritet (SPOC Person) dhe Sumeja Osmani, Asistente e Projekteve.

Moduli i parë, i zhvilluar gjatë fundjavës, ishte i fokusuar në menaxhimin e organizatave sportive.

Ligjërues në këtë modul ishin: Sekretari i EUSA-s, Matjaz Pecovnik, si ligjërues i jashtëm, si dhe sekretari i përgjithshëm i KOK-ut, Besim Aliti, drejtori i programit ASMC 6, Ibër Alaj dhe Presidenti Nderi i KOK-ut, Besim Hasani, si ligjërues vendorë.

Më herët në këtë Kurs, kanë diplomuar Sekretarja e Përgjithshme e FBK-së, Elvira Dushku, Adriatik Rraci, Zëvendës Sekretar i Përgjithshëm& Drejtor i Përfaqësueseve, Artina Hasani, Drejtore e Eventeve dhe Basketbollit 3x3, Edita Medunjanin, Menaxhere e Projekteve në Federatën e Basketbollit të Kosovës, Rrezarta Kqiku, Asistente Ekzekutive, si dhe Eldina Asimi, e cila ka punuar në FBK si Zyrtare për Media.

‍