Her World, Her Rules në Ferizaj për Ditën Ndërkombëtare të Grave

Federata e Basketbollit e Kosovës ka organizuar aktivitetin e radhës në kuadër të kampanjës së “Her World, Her Rules”, një iniciativë që synon të promovojë dhe fuqizojë vajzat dhe gratë në basketboll.

Aktiviteti është mbajtur në sallën e sporteve të shkollës “Jeta e Re” në Greme, në prag të Ditës Ndërkombëtare të Grave.

Ky event ka shërbyer si një platformë motivuese për vajzat pjesëmarrëse që të angazhohen në sport dhe të zhvillojnë aftësitë e tyre në basketboll. Në aktivitet kanë marrë pjesë 90 vajza.

Qëllimi i këtij organizimi ishte rritja e ndërgjegjësimit për rëndësinë e përfshirjes së vajzave dhe grave në basketboll, promovimi i barazisë gjinore në sport dhe krijimi i mundësive të reja për talentet e reja në këtë disiplinë.

Federata e Basketbollit e Kosovës është pjesë e projektit FIBA Europe Girls’ Program tash e tetë vite dhe po e implementon me sukses këtë iniciativë në Kosovë.

“Her World, Her Rules” është një projekt dhe fushatë në mediat sociale e udhëhequr nga FIBA Europe që synon promovimin e basketbollit të vajzave në gjithë Evropën përmes aktiviteteve të ndryshme që realizohen në partneritet me Federatat Nacionale.

‍