Dardanët të gatshëm për përballjen me Sllovakinë

Sonte Kosova do të përballet me Sllovakinë, ndeshje e vlefshme për parakualifikueset e FIBA EuroBasket 2029.

Dardanët kanë filluar përgatitjet të dielën mbrëma, derisa nga dita e hënë kanë stërvitur dy herë në ditë, që të jenë sa më ta gatshëm për këtë sfidë.

Kjo është ndeshja e dyta për të dy kombëtaret, që e kanë nisur me fitore ndaj Shqipërisë.

Dardanët fituan ndaj kuqezinjve 84:99, kurse sllovakët fituan 73:63.

Për shkak të lëndimeve do të mungojnë Dardan Berisha, Drilon Hajrizi dhe Meriton Ismaili, që nuk kanë qenë të grumbulluar.

Ndeshja zhvillohet sonte nga ora 19:00 në palestrën “Sezai Surroi” në Prizren.

Sfida transmetohet ekskluzivisht në Art Motion.

‍