Biletat në shitje për ndeshjen Kosova-Sllovakia

Nga sot deri më 27 shkurt 2026, biletat për ndeshjen e dytë parakualifikuese të Kosovës për FIBA EuroBasket 2029, Kosova - Sllovakia janë në shitje në fanshopin e KB Bashkimit në Prizren, përballë palestrës sportive “Sezai Surroi”.

Sot biletat do të shiten nga ora 14:00 deri në ora 17:00, kurse nga nesër prej 12:00 deri në ora 18:00. Çmimi është 5 Euro.

Kosova dhe Sllovakia do të përballen të premten në Prizren nga ora 19:00. Të dy kombëtaret e kanë nisur kampanjën me fitore ndaj Shqipërisë.

‍