Takimi i Komitetit Drejtues të projektit SHOOTER në Prishtinë

Më 18 dhe 19 shkurt, në Prishtinë do të mbahet takimi i Komitetit Drejtues me të gjithë partnerët e projektit, ku do të diskutohet progresi i deritanishëm dhe do të planifikohen hapat e ardhshëm për realizimin e projektit SHOOTER.

Gjatë këtij takimi, partnerët do të shqyrtojnë zhvillimet e fundit dhe do të planifikojnë mënyrat për modernizimin e menaxhimit të basketbollit përmes mjeteve digjitale, duke avancuar drejt realizimit të qëllimeve të projektit.

Projekti SHOOTER, i udhëhequr nga Federata e Basketbollit të Katalonisë, realizohet në bashkëpunim me Federatat e Irlandës, Bullgarisë, Kosovës partneri teknologjik Optimal Way dhe përkrahet nga Erasmus.

Ky projekt ka për qëllim pajisjen e federatave të basketbollit në Evropë me mjete dhe aftësi dixhitale, duke përmirësuar profesionalizmin, efikasitetin dhe qëndrueshmërinë mjedisore në menaxhimin e tyre.

Në kuadër të SHOOTER, do të krijohet një sistem menaxhimi i ri, i bazuar në një Toolbox Dixhital gjithëpërfshirës, që do të lehtësojë kalimin nga metodat tradicionale drejt një qasjeje dixhitale më të avancuar.

‍