Peja 03-Bashkimi, finalja e Kupës së Kosovës te femrat

Peja 03 dhe Bashkimi do të përballen në finalen e Kupës te Femrat.

Peja 03 dominoi ndaj United Basketball nga fillimi deri në fund, duke mos e rrezikuar fitoren për asnjë moment dhe kështu ndodhi, duke triumfuar 96:60.

Bashkimi po ashtu shënoi fitore bindëse ndaj Prishtinës 92:60, për tu kualifikuar sërish në finale, për të kërkuar të mbrojë këtë trofe të rëndësishëm për basketbollin e Kosovës.

Finalja do të zhvillohet të premten nga ora 19:00 në Palestrën “Sezai Surroi” në Prizren, aty ku po zhvillohet Final 4 i Kupës së Kosovës te femrat, derisa transmetohet në Art Motion.

‍