Fillon afati kalimtar në basketboll

Federata e Basketbollit e Kosovës (FBK) njofton se, është hapur afati kalimtar në konkurrencën e meshkujve.

Afati kalimtar është hapur sot dhe do të zgjasë deri më 14 janar.

Klubet e ProCredit Superligës pritet të jenë mjaft aktive në këtë afat kalimtar, varësisht nga synimet që kanë.

Elita e basketbollit të Kosovës është bërë shumë interesante, ku po luftohet për çdo pozitë dhe secila ndeshje është më e rëndësishme se tjetra.

Klubet pritet të bëjnë mjaft përforcime, pasi tani fillon faza vendimtare e kampionatit në garën për titull dhe mbijetesë.

Po ashtu përforcime priten edhe në Ligën e Parë të Meshkujve dhe atë të Dytë, që këtë edicion është shumë interesant.

‍