Eventi i përzgjedhjes së ekipit të Kosovës për eFIBA Season 4 u mbajt, suksesi i radhës i Kosovës!

Dje, më 7 dhjetor 2025, në TechPark Prishtina u mbajt eventi përzgjedhës për përzgjedhjen e lojtarëve që do të përfaqësojnë Kosovën në eFIBA Season 4 (NBA 2K).

Shumë të rinj që kishin aplikuar, erdhën nga qytetet të ndryshme të Kosovës për të shfaqur aftësitë e tyre, duke garuar në formatin MyCareer Pro AM 5v5, me qëllim që të sigurojnë vendin në ekipin përfaqësues të eBasketball.

Performanca, loja ekipore dhe përkushtimi i tyre lanë përshtypje shumë pozitive.

Për më tepër, Federata testoi edhe disa lojtarë nga diaspora, duke e bërë këtë proces pjesë të strategjisë për zgjerimin dhe forcimin e komunitetit të esports basketball në vend.

Ekipi final i përzgjedhur do të njoftohet së shpejti!

Faleminderit të gjithëve që morën pjesë dhe dhanë maksimumin.

‍