Të premten dhe të shtunën do të zhvillohen ndeshjet e xhiros së gjashtë në Ligën e Parë të Femrave.
Dueli i parë do të zhvillohet ndërmjet United Basketball dhe Istogut. United Basketball është në vendin e parë me katër fitore dhe një humbje, derisa skuadra istogase numëron katër humbje në katër ndeshje.
Sfida tjetër e ditës së premte është në mes Sferës dhe Junior 06. Sfera ka një fitore dhe tri humbje, kurse Junior 06 ka rezultate të kundërta, me tri fitore dhe një humbje.
AA Kerasan Prishtina, që ka tri fitore dhe një humbje do të përballet me Kaçanikun, që ka katër humbje në katër ndeshje të zhvilluara.
Ndeshja kryesore e kësaj jave është ndërmjet Dritës dhe Vushtrrisë. Skuadra gjilanase ka tri fitore dhe një humbje, kurse ajo vushtrriase tri fitore dhe dy humbje, andaj pritet një ndeshje shumë interesante mes këtyre dy skuadrave.
Liga e Parë e Femrave - Java 6
E premte
15:00 United Basketball - Istogu
16:30 Sfera - Junior 06
E shtunë
12:00 AA Kerasan Prishtina - Kaçaniku
15:00 Drita - Vushtrria
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
.jpg)
