Penza ka triumfuar ndaj Trepçës me rezultat 65:84 (19:21,21:28,8:18,17:17).
Nën drejtimin e Fabian Gjuka loja e Penzes ka ndryshuar tërësisht , vajzat pejane e nisën mjaftë mirë këtë ndeshje duke arritur që të krijoj epërsi që nga fillimi e ta mbajnë deri në fund për ta shënuar fitoren e parë ndaj Trepçës këtë edicion.
Në pjesën e parë rezultati ishte 40:49 në të mirë të Penzes.
Epërsia u thellua edhe më shumë kur në çerekun e tretë Trepça nuk arriti të shënoj më shumë se 8 pikë ndërsa Penza realizoi edhe 18 të tjera.
10 minutat e fundit ishin më të barabartë, Penza po mundohej ta ruante epërsinë e krijuar ndërsa Trepça po mundohej t’i afrohej sa më shumë rezultatit, ndeshja u mbyll me rezultat të përgjithshëm 65:84.
Për Penzen më të dalluarat ishin Saranda Daci me 25 pikë, 13 kërcime dhe 11 asistime dhe Anita Grainca me 19 pikë e 9 asistime.
Kurse tek Trepça më e mira ishte Jessica Wilson me 17 pikë, 6 kërcime dhe 3 asistime.
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
.jpg)
