Nata e yjeve më 21 dhjetor me shumë befasi

Më 21 dhjetor do të mbahet ceremonia e Laureatëve të Vitit në basketboll.

Në Laureatët 2023, do të nderohen më të mirët e basketbollit të Kosovës për vitin që po e lëmë pas, si dhe ata që kanë dhënë kontribut të çmuar në sportin tonë të dashur.

Në këtë event do të shpallen: Basketbollisti i vitit; Basketbollistja e vitit; Pesë (5) basketbollistët më të dalluar të vitit; Pesë (5) basketbollistet më të dalluara të vitit; Skuadra më e mirë në konkurrencën e meshkujve; Skuadra më e mirë në konkurrencën e femrave; Trajneri më i mirë i vitit; Shpresa e vitit te djemtë; Shpresa e vitit te vajzat; Çmimi i publikut nga Art Motion dhe Kujtesa, Gjyqtari i vitit; Punëtori më i dalluar i vitit dhe Mirënjohje të tjera.

FBK ka zbuluar identitetin e eventit të fundvitit, derisa në këtë ngjarje do të ketë shumë befasi për të pranishmit.

‍