.jpg)
Dardanët e rinj e kanë nisur me fitore Kampionatin Evropian, Divizioni C për U16, që filloi sot në Prishtinë.
Kosova U16 ka mundur Maltën me rezultat të thellë 103:53 (24:6, 23:15, 31:18, 25:14).
Basketbollistët e Kosovës U16 e nisën fuqishëm ndeshjen dhe qysh në çerekun e parë krijuan epërsi të lartë, 24:6. Dardanët e rinj vazhduan me lojë të mirë edhe në periudhën e dytë, ku shtuan epërsinë në 47:21, sa përfundoi pjesa e parë.
Kosova nuk u ndal as në pjesën e dytë, ku shtoi epërsinë edhe më shumë dhe triumfuan bindshëm 103:53.
Te Kosova u dalluan Mal Tusuni me 17 pikë dhe 13 kërcime, Yll Kastrati me 26 pikë e nëntë kërcime e Lis Binishi me 14 pikë, shtatë kërcime e gjashtë asistime.
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
.png)
