Sumeja Osmani përfundon me sukses programin “Trajner Sportiv”

Sumeja Osmani, Asistente Ekzekutive dhe Zyrtare për Evente në Federatën e Basketbollit të Kosovës (FBK), ka përfunduar me sukses programin “Trajner Sportiv”, të organizuar në kuadër të Akademisë Olimpike të Komitetit Olimpik të Kosovës (KOK).

Ky sukses përfaqëson një arritje të rëndësishme në zhvillimin e saj profesional, si rezultat i punës, përkushtimit dhe angazhimit të vazhdueshëm për avancimin e njohurive dhe aftësive në fushën e sportit.

Programi i edukimit “Trajner Sportiv” është një nismë e rëndësishme për ngritjen e kapaciteteve profesionale të trajnerëve dhe zhvillimin e kuadrove sportive në Kosovë.

Ky program ofron kualifikim profesional të nivelit të pestë, të akredituar nga Autoriteti Kombëtar i Kualifikimeve, duke synuar përgatitjen dhe avancimin e trajnerëve sipas standardeve të përcaktuara të kualifikimit profesional.

FBK mbetet e përkushtuar në mbështetjen e zhvillimit dhe ngritjes profesionale të stafit të saj, duke e konsideruar edukimin dhe avancimin e vazhdueshëm si elemente të rëndësishme për zhvillimin e basketbollit në Kosovë.

‍