Fitore bindëse e Penzës ndaj Prishtinës

Penza ka shënuar fitore të thellë ndaj Prishtinës me rezultat 124:49, në kuadër të javës së pestë të Superligës së Femrave të Kosovës në basketboll.

Skuadra pejane dominoi përballjen nga fillimi deri në fund, duke qenë vazhdimisht në epërsi dhe duke mos i lënë hapësirë kundërshtareve për të rrezikuar rezultatin.

Vendaset treguan lojë të shkëlqyeshme si në sulm, ashtu edhe në mbrojtje, duke e përmbyllur takimin me një fitore bindëse prej 75 pikësh dallim.

Gjashtë basketbolliste të Penzës realizuan pikë dyshifrore, duke dëshmuar paraqitjen e mirë kolektive të skuadrës.

Më e dalluara në këtë përballje ishte Elsa Shala, e cila e përfundoi ndeshjen me 23 pikë, pesë kërcime dhe gjashtë asistime, duke dhënë kontribut të rëndësishëm në triumfin e skuadrës pejane.

Penza ka tri fitore e një humbje, derisa ishte humbja e katërt për prishtinaset pas katër ndeshjeve.

‍