Derbi Bashkimi – Peja 03 në xhiron e katërt të Superligës së Femrave

Superliga e Femrave vazhdon këtë fundjavë me ndeshjet e xhiros së katërt, ku do të zhvillohen dy përballje interesante. Vëmendja kryesore do të jetë në Prizren, ku Bashkimi pret Pejën 03.

Xhiroja nis të shtunën nga ora 13:00, me ndeshjen ndërmjet Prishtinës dhe Trepçës, që zhvillohet në Pallatin e Rinisë dhe Sporteve në kryeqytet. Të dy skuadrat janë ende në kërkim të fitores së parë këtë edicion. Prishtina vjen pas humbjes ndaj Pejës 03, ndërsa Trepça u mposht nga Penza në xhiron e kaluar.

Përballja kryesore e xhiros zhvillohet të shtunën nga ora 19:00, në palestrën “Sezai Surroi” në Prizren, ku Bashkimi pret Pejën 03. Prizrenaset kanë një fitore dhe një humbje në dy ndeshjet e para, ndërsa pejanet e kanë nisur edicionin me tri fitore në po aq ndeshje. Të dy skuadrat synojnë të vazhdojnë garën për kreun e renditjes, në një përballje që pritet të sjellë rivalitet dhe basketboll cilësor.

Në këtë xhiro pushon Penza.

Superliga e Femrave – Xhiro IV

E shtunë, 31 tetor

13:00 | Prishtina – Trepça
Pallati i Rinisë dhe Sporteve, Prishtinë

19:00 | Bashkimi – Peja 03
Palestra “Sezai Surroi”, Prizren

‍