Trepça me rikthim triumfon ndaj Borës

Kampionia e Kosovës, Trepça, ka shënuar fitore të rëndësishme ndaj Borës me rezultat 79:68, në kuadër të javës së pestë të ProCredit Superligës.

Në një përballje interesante dhe të luftuar, mitrovicasit arritën të rikthehen në lojë dhe të sigurojnë fitoren e tretë në këtë edicion.

Periudha e tretë (17:31) ishte vendimtare për rrjedhën e takimit, ku Trepça ngriti nivelin e lojës, duke marrë kontrollin e ndeshjes dhe duke krijuar epërsinë që e ruajti deri në fund.

Me këtë triumf, kampionia e Kosovës regjistron fitoren e tretë pas pesë xhirove të zhvilluara, ndërsa Bora pëson humbjen e dytë të sezonit.

Pas kësaj përballjeje, të dy skuadrat kanë bilanc të njëjtë prej tri fitoresh dhe dy humbjesh në ProCredit Superligë.

‍