E nderuara Familja Ramadani,
I nderuar komunitet i basketbollit,
Me pikëllim të thellë kemi pranuar lajmin për ndarjen nga jeta të ish-gjyqtarit të njohur dhe vëzhguesit të basketbollit, Remzi Ramadani.
Ramadani ishte gjyqtar i basketbollit në kohërat më të vështira për sportin e Kosovës, paraluftës, por edhe pasluftës, duke ndarë drejtësinë me nder dhe profesionalizëm në nivelin më të lartë.
Ai nuk iu nda palestrave pasi la referimin, duke u bërë vëzhgues i basketbollit, ku e kreu punën me përkushtim të plotë.
Remzi Ramadani me urtësinë e tij ishte shembull për të gjithë, e kështu do të mbahet mend gjithmonë.
Në emrin tim personal dhe të Federatës së Basketbollit të Kosovës dua të shpreh ngushëllimet më të sinqerta për familjen Ramadani dhe gjithë komunitetin e basketbollit.
Me Respekt,
Arben Fetahu,
Kryetar i FBK-së
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
