Të shtunën testimi për trajnerët e grupmoshave të reja

Shoqata e Trajnerëve të Basketbollit të Kosovës (SHTBK) në bashkëpunim me Federatën e Basketbollit të Kosovës (FBK) të shtunën (20 shtator) do të organizojë test për të gjithë trajnerët e kategorive të reja.

Testi do të mbahet në Fakultetin e Edukimit Fizik, në Prishtinë, nga ora 12:00.

Të gjithë trajnerët që dëshirojnë të udhëheqin ekipet e tyre në kategoritë e reja për stinorin 2025/26, janë të obliguar të marrin pjesë në testim.

Mosprezenca në testim automatikisht pamundëson të drejtën për të udhëhequr ekipet në edicionin përkatës 2025/26.

Me anë të këtij testimi synohet identifikimi i sfidave të trajnerëve në punët e tyre me kategoritë e reja, derisa do të ndihmojë SHTBK-në dhe FBK-në në organizimin e seminareve të ardhshme, ku qëllimi kryesor është ngritja e aftësive profesionale të trajnerëve në fushën e basketbollit. 

Nga testimi janë të liruar:

Trajnerët që kanë përfunduar kursin FIBA Europe FECC

Trajnerët mbi moshën 60-vjeçare

Trajnerët që punojnë me nivelet seniore (Superliga, Liga 1, Liga 2, Ligat e Femrave Seniore) dhe që nuk janë të angazhuar me kategori të reja

‍