Klinikë me ekspertin e njohur ndërkombëtar Jaume Comas

Federata e Basketbollit e Kosovës (FBK) të shtunën do të organizojë Klinikën e Trajnerëve me ekspertin e njohur ndërkombëtar, Jaume Comas.

Klinika është e dedikuar për stafin e programit dhe ka për qëllim thellimin e njohurive mbi basketbollin 3x3 dhe zbatimin praktik të parimeve të lojës.

Comas do të ligjërojë për: Rregullat e basketbollit 3x3 (Rregullat kryesore, pikat kryesore të ndikimit në lojën 3x3); Dallimi midis 3x3 dhe 5x5 (Garat zyrtare, Formati i garës, Lloji i lojtarëve); Praktikimi i Basketbollit 3x3 (ide dhe koncepte), Praktikimi i parimeve të lojës (pikë taktike dhe teknike, ndërrimi i roleve, sulmi, mbrojtja, rivënia e topit). 

Programi Sport në Shkolla financohet nga Ministria e Kulturës, Rinisë dhe Sportit, ndërsa zbatohet nga Federata e Sportit Shkollor e Kosovës dhe Federata e Basketbollit e Kosovës.

Klinika do të mbahet në Hotel Four Points by Sheraton në Marigona Residencë.

‍