Sonte zhvillohet ndeshja çerekfinale e “Play-off”-it të ProCredit Superligës ndërmjet Golden Eagle Yllit dhe Pejës.
Sfida verdhezi pritet të jetë shumë interesante, duke marrë parasysh se kemi hyrë në fazën vendimtare të kampionatit.
Therandasit përfunduan garat e rregullta me 15 fitore e 13 humbje, ndërsa pejanët kishin 14 fitore e 14 humbje.
Ylli është në formë të lartë me gjashtë fitore radhazi në elitë, ku përfunduan në pozitën e katërt, derisa pejanët në vendin e pestë.
Në katër ndeshjet e zhvilluara në këtë edicion në elitë, ka fituar Ylli.
Sfida në Therandë pritet të jetë mjaft interesante dhe e rëndësishme për të dy skuadrat.
Ndeshja zhvillohet nga ora 19:00 dhe transmetohet në Art Motion&Kujtesa.
Takimi i dytë zhvillohet të dielën në Pejë. Skuadra që shënon dy fitore kualifikohet në gjysmëfinale.
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
