Në një super ndeshje, Grapeland ka mundur KEKUn 70:74 (17:19, 16:12, 20:17, 17:26), për të barazuar finale të Ligës së Parë të Meshkujve në 1:1.
Pjesa e parë ishte kryesisht e baraspeshuar, me mysafirët që për një nuancë ishin më të mirë në periudhën e dytë, e parë duke e fituar 17:19, derisa ishin duke fituar deri në fund të pjesës së parë, por një seri e vendasve prej 6:0, bën që vendasit të shkojnë në pushim me rezultat 33:31.
Dramë u zhvillua në pjesën e dytë, përkatësisht periudhën e fundit. ‘Elektricistët’ po fitonin 64:50, por në shtatë minutat e fundit, mysafirët hyjnë në një seri të jashtëzakonshme, duke përmbysur shifrat në 70:74, për të barazuar serinë finale në 1:1.
Te vendasit më i miri ishte Adrian Ibishi me 15 pikë e 11 kërcime, kurse te mysafirët Bardh Rexha kishte 19 pikë e dhjetë kërcime, ndërsa Albin Berisha 18 pikë.
Ndeshja e tretë finale do të zhvillohet të premten në Rahovec, ku skuadra që shënon fitore shpallet kampion dhe hyn në Superligë, derisa finalisti luan në “play-out” me Borën.
Regjistrohuni për t'u informuar për lajmet më të fundit nga Federata e Basketbollit të Kosovës!
Copyright © Përkrahur me nga Global CT
