I dashur komunitet i basketbollit,

Në këtë fundvit të veçantë, dua t’ju uroj nga zemra secilit prej jush – basketbollistë e basketbolliste, trajnerë, gjyqtarë, vëzhgues, klube, sponsorë, dhe të gjithë ju që jeni pjesë e këtij komuniteti të jashtëzakonshëm të basketbollit.

Viti që po e lëmë pas ka qenë i mbushur me momente të paharrueshme dhe arritje të jashtëzakonshme për basketbollin në Kosovë. Nga mijëra ndeshje vendore deri te pesë ngjarje ndërkombëtare të rëndësishme, kemi dëshmuar se basketbolli është më shumë se një sport – është një pasion që na bashkon.

Arritjet tona të përbashkëta:

• Aktivitetet nga Liga U12 deri te veteranët, që kanë pasuruar palestrat tona me ndeshje dhe emocione.
• Organizimi i pesë ngjarjeve ndërkombëtare të rëndësishme.
• Realizimi i seminareve dhe punëtorive me FIBA-n për klubet, trajnerët, gjyqtarët dhe vëzhguesit.

Ndonëse sfidat nuk kanë munguar, falë përkushtimit dhe bashkëpunimit tuaj, kemi arritur ta çojmë basketbollin tonë përpara.

Falënderime të sinqerta:

• Ministrisë së Kulturës, Rinisë dhe Sportit për mbështetjen thelbësore.
• Partnerit tonë strategjik, FIBA-s, për bashkëpunimin dhe përkushtimin e vazhdueshëm.
• Sponsorëve dhe partnerëve tanë, që ndihmojnë në realizimin e vizionit tonë.

Një falënderim i veçantë shkon për të gjithë ju – basketbollistë e basketbolliste, trajnerë, gjyqtarë, vëzhgues, punëtorë sportivë dhe mediat. Ju jeni zemra dhe forca e basketbollit të Kosovës!

Shikojmë drejt vitit 2025 me optimizëm, duke synuar më shumë suksese dhe duke forcuar më tej komunitetin tonë. Të vazhdojmë së bashku këtë rrugëtim të mrekullueshëm.

Urime dhe Gëzuar Vitin e Ri 2025!

Me shumë respekt dhe mirënjohje,

Arben FETAHU

Kryetar

Federata e Basketbollit të Kosovës